Esta semana celébrase unha nova edición das Festas de San Mauro, en Santiago de Lampón e Goiáns. Será no Pazo de Goiáns, precisamente, os días 15 de xaneiro (xoves) e sábado 17 de xaneiro.
Trátase dos festexos na honra de San Mauro con alboradas, actos litúrxicos, festa gastronómica, serán tradicional e actuación de Ailá.
As actividades comezarán o xoves cunha alborada a cargo de Arume e O Son do Pote, e con misas rezadas na honra de San Mauro ás 9.00, ás 10.00 e ás 11.00. Ás 12h haberá unha misa solemne e procesión. Pola tarde haberá misas rezadas ás 17.00 e ás 18.00 horas. A vertente litúrxica da xornada rematará cunha misa solemne ás 19.00 horas e coa procesión. Ao remate haberá tirada de fogos e chocolatada. Instalarase carpa.
O sábado comezará cunha alborada a cargo de Os Pequenos do Barbansa e Río do Anxo.
Ás 13.00 horas celebrarase unha misa solemne na honra de San Mauro no Pazo de Goiáns e procesión pola aldea de SAn Mauro.
Ás 14.00 dará comezo unha festa gastronómica con callos e empanada amenizada polas asociacións locais de baile e música galega Xilbarbeira e Pedra Aroña.
Ás 17.00 arrincará un serán tradicional cunha manchea de agrupacións tradicionais.
Pola noite actuará o grupo Ailá, ás 21.30 horas, e logo haberá queimada e foliada libre.
