O Concello de Dodro quere comezar ao ano repartindo ilusión entre a rapazada, e tamén entre os non tan cativos. Por este motivo organizou un gran acto de recepción que permitirá á veciñanza falar coas Súas Maxestades de Oriente e pedirlles o que precisen. O encontro cos Reis Magos celebrarase este luns 5 de xaneiro no Pavillón Polideportivo Municipal, a partir das 17.30 horas.O programa de actividades festivas e de lecer inclúe inchábeis para os máis pequenos, chocolate con churros, animación musical e, segundo engadiu o Concello, “moita diversión para unha tarde moi especial”.
