O concello de Dodro informou que ao abeiro do seu Programa Corresponsables vai organizar unha nova actividade para favorecer nos fogares a harmonía entre a actividade laboral e vacacional: o Concilia Entroido 2026.
O programa está dirixido a nenos e nenas de 3 a 12 anos, cun número de prazas limitadas e que se desenvolverá os días 16, 17 e 18 de febreiro na Casa da Cultura de Dodro de 9:00 a 14:00 horas.
As inscricións abriranse do día 30 de xaneiro ao 6 de febreiro no rexistro xeral do concello e no departamento de servizos sociais, teléfono 981 802 460.
