O Centro Social de Abanqueiro (Boiro) vai acoller este venres 30 de xaneiro a proxección da curtametraxe Adeus Berta. Será ás 20.00 horas con entrada libre (acceso gratuíto). A cita inclúe un coloquio co director e a guionista.
Adeus Berta é unha curta de Fernando Tato escrita por Ángela Andrada protagonizada pola propia Ángela Andrada e por Gemma do Carmo (veciña da Pobra).
Foi rodada no concello da Pobra do Caramiñal.
A curta cóntanos a historia de Alicia, que chega a casa dos seus pais na Pobra do Caramiñal para elixir a roupa que levará a súa nai no velorio. Alí reencóntrase coa súa irmá Berta, que acaba de saír do centro de rehabilitación onde está ingresada. Nesta situación, Alicia acaba por mudarse á Pobra, escenario do reencontro e tamén lugar onde ambas as irmás terán que curar as súas vellas feridas.
Dirección | Fernando Tato
Guión | Ángela Andrada
Género | Ficción, drama, comedia
Duración | 17:42 min
