O director xeral de Pesca, Acuicultura e Innovación Tecnolóxica, Cándido Rial, visitou este venres 12 de decembro a sede da empresa Ángelmar, unha visita abeirada á rolda de contactos que está a levar a cabo coa cadea mar-industria.
Ángelmar é unha empresa familiar que constitúe un bo exemplo da fortaleza do sector mar-industria en Galicia, nas súas actividades na depuración, centro de expedición e cetárea.
Permite mercar online marisco depurado nas propias instalacións da empresa e peixe fresco procedente das lonxas da comarca. Os usuarios poden facer o seu pedido comodamente e recibilo axiña no seu domicilio.
