No marco do ciclo Outes a Escena, a agrupación Limiar Teatro vai levar á Serra o espectáculo Canto conto!, unha obra para público infantil e familiar (maiores de catro anos). Será este sábado 6 de decembro ás 19.00 horas na Casa da Cultura de Outes. As entradas están xa dispoñíbeis en liña, a través da web Bandoticket ou na Casa da Cultura de Outes. A obra está incluída no Bono Miúdo, con descontos para a rapazada.
Sinopse
Canto conto! é un emocionante espectáculo que nos mergulla nunha viaxe chea de música, risas e sorpresas. Acompaña a dous recolledores de lixo na súa aventura polo fascinante mundo da reciclaxe e a sustentabilidade: os nosos protagonistas exploran xeitos de reciclar, mostran os distintos tipos de contaminación existentes e propoñen solucións ante isto.
Goza aprendendo a través de diversos xéneros musicais, desde o rock and roll ata o rap, pasando pola salsa ou o funky. Pero, ollo, non só se trata de música, hai moito máis! Exploraremos temas como a igualdade, a diversidade, o ecoloxismo e a importancia de traballar xuntos para acadar un futuro mais sostíbel
E o mellor de todo é que o público será parte activa desta viaxe.
