ULA Libraría Social (na rúa da Capela de Outes) vai acoller este venres de xaneiro a presentación do libro O faiado das papoulas, de Baia Fernández.
Trátase, en palabras da autora, “dun libro de poesía intimista que abre xanelas a memorias da linaxe feminina”.
Aínda sendo intimista, explica a autora, “esta obra non deixa de ter un carácter reivindicativo e mesmo social, unha especie de catarse que desemboca nun lugar de calma onde se fai presente a beleza, o acubillo amoroso e a comprensión profunda”. Engade que estamos ante un libro “que pretende afondar nun faiado simbólico, ese onde se gardan as memorias da nosa linaxe e que é visita obrigada se queremos sandar as feridas do inconsciente”.
Ilustrado por Paula Pereira (Cavalinho Do Demo) e deseñado por Martinho Picallo, é un convite a “reflexionar sobre o lugar que ocupamos as mulleres na sociedade así como as pegadas do machismo invisibilizadas”.
Baia Fernández é unha escritora galega, youtubeira e adestradora emocional.
