Galicia continúa este mércores baixo a influencia das baixas presións, situadas no Atlántico, ó oeste da Comunidade. Esta situación deixará un ceo parcialmente cuberto con chuvias que poden ser localmente fortes, especialmente na metade sur e oeste do territorio, mentres que as precipitacións serán máis ocasionais canto máis ó norte.
As temperaturas manteranse sen cambios significativos, e o vento soprará con forza do sur-sueste no litoral e nas zonas altas, virando a suroeste ó final do día.
O noso mar: Vento do sueste á mañá, do sueste á tarde e do sur á noite, forza 3 a 5 á mañá e 5 a 6 á tarde e á noite. Forte marusía. Visibilidade boa á mañá e regular á tarde e á noite. Mar de fondo do oeste á mañá e noroeste á tarde e á noite, con ondas de 2.5 a 3 metros á mañá, 1.5 a 2 metros á tarde e 1 a 1.5 metros á noite.
