Os bombeiros indicaron que o lume pareceu iniciarse por unha sobrecarga nun dispositivo electrónico. Por outra banda, a Cruz Vermella tamén intervén para axudar aos veciños afectados polo incendio.
Un dos veciños quedou atrapado no interior da súa vivenda situada no último andar
Un incendio declarado pouco despois das 10.30 horas deste sábado nun edificio de vivendas do barrio compostelán de Pontepedriña obrigou aos Bomberos de Santiago a intervir de urxencia e a desaloxar o inmoble, situado no número 25 da rúa do Ulla.
Todos os residentes puideron saír polos seus propios medios salvo unha parella de mozos que vivía no último piso, que quedou atrapada no interior debido á intensa fumareda que enchía as escaleiras.
A alarma inicial
O lume orixinouse na vivenda dunha inquilina, quen indicou que, mentres limpaba na cociña, percibiu un olor a queimado que procedía do seu cuarto. Ao achegarse, “xa estaba todo cheo de fume”, polo que alertou de inmediato o resto de veciños para que abandonasen as súas casas.
Rescate pola xanela
A chegada dos bombeiros evitou que a situación fose a máis. Tras o despregamento dun camión autoescala, os efectivos de emerxencias conseguiron rescatar pola xanela aos dous mozos atrapados no último piso, poñendo fin a uns minutos de gran angustia no barrio.
Os servizos de emerxencia continúan investigando a orixe exacta do incendio, aínda que os primeiros indicios apuntan a que o lume comezou no interior da habitación da vivenda afectada.
Os bombeiros aínda permanecen traballando na zona , o lume xa foi extinguido.
