ULA Libraría Social, o innovador proxecto cultural e social da Serra de Outes (na rúa da Capela), celebra este mes de novembro un ano de vida achegando libros, presentacións e actividades dinamizadoras a veciños e visitantes.
Farao cunha gran festa o vindeiro domingo 30 de novembro, a partir das 12.30 horas: un festexo ao que está convidada toda a veciñanza e que incluirá petiscos, bingo e descontos sobre produtos da libraría.
Será unha cita para, en palabras da responsábel da libraría, Maitane Vicente, “celebrar este primeiro ano cheo de compartires, vivencia e tantísimo cariño”. A celebración é gratuíta en con ela a libraría quere devolver á xente de Outes “unha parte pequeniña” de todo o impulso que lle deron a proxecto nos seus primeiros doce meses.
