O Concello de Porto do Son, xunto a Escola Galega de Saúde para Cidadáns, organiza un curso gratuíto de educación emocional e técnicas de relaxación dirixido a mulleres maiores de idade, no que se tratarán diferentes técnicas de meditación e e concentración, e, en definitiva, recursos para mellorar a saúde mental e física. Amais, analizaranse os síntomas e efectos do estrés e a ansiedade, as posibles causas e factores claves.
As persoas asistentes poderán coñecer, entender e aprender a xestionar as emocións, o estrés a ansiedade no día a día. Tamén lograr unha adaptación óptima a calquera situación de cambio e/ou transición vital como enfermidades o dores.
A cita será o 10 de novembro en horario de 16:00 a 20:00 horas, na Biblioteca municipal de Porto do Son.
As prazas son limitadas.
As prazas resérvanse do 3 ao 8 de NOVEMBRO, a través do enderezo electrónico maria.santos.lemina@portodoson.gal ou a través da propia plataforma da Escola Galega de Saúde para Cidadáns.
