O Taller Alecrín en colaboración coa Asociación de Amas de Casa de Ribeira e a Concellería de Educación do Concello veñen de poñer en marcha catro Obradoiros de Baile para adultos os sábados pola tarde-noite na Aula de Ballet do Conservatorio de Ribeira dentro da Tempada 25-26. Compromiso co Baile.
Por unha banda, desenvolveranse dous obradoiros de Linedance (iniciación e intermedio) para singles nos que se amosarán coreografías de ritmos clásicos como swing e polka ata ritmos modernos como disco ou funky sen esquecer os ritmos latinos como bachata ou cha-cha-chá; e, por outra banda, dous obradoiros de Baile Social (iniciación e intermedio) para parellas nos que se inclúen ritmos estándar como vals, swing e Tango ata ritmos latinos e tropicais como cha-cha-chá, bachata, salsa ou kizomba, entre outros.
Francisco Muñiz, director técnico e eedagóxico do Taller Alecrín será o responsábel de ditos obradoiros, que se desenvolverán dende novembro do presente ano ata finais de xuño do 2026, e terán un máximo de 16 persoas cada un, polo que para inscribirse, e necesario facer unha reserva previa no teléfono 698 150 432 ou dirixir un correo ao enderezo electrónico da asociación: talleralecrín@gmail.com.
