A Aula CeMIT do Concello de Boiro leva a cabo novas accións formativas en novas tecnoloxías para o mes de decembro. Para participar é necesaria inscrición previa mediante o enderezo electrónico axentetic@boiro.org ou nos teléfonos 981 84 26 35 ou 629 769 139.
Os días 2, 3 e 4 de decembro vaise impartir a actividade formativa Deseño gráfico con Inkscape (logos e ilustracións) de 10.00 a 12.30 horas; os días 10 e 11 de decembro, Compras seguras en Internet no mesmo horario; e os días 15 e 16, Elaboración de carteis, tamén de 10.00 a 12.30 horas.
A maiores, os días 22 e 23 de decembro de 10.00 a 14.00 horas, a Aula CeMIT vai acoller un Campamento Dixital para rapazada de entre 9 e 13 anos. Trátase dunha actividade na que os escolares van aprender “a empregar a tecnoloxía de xeito creativo, positivo e saudábel”, segundo informou o Concello de Boiro, lembrando que p ara participar desta actividade tamén é necesaria inscrición previa.
