Este sábado, 15 de novembro, a Casa Forestal de Baroña acollerá unha nova edición das xornadas de transformación da madeira, organizadas polo Laboratorio Ecosocial do Barbanza co obxectivo de poñer en valor a madeira local e fomentar o seu aproveitamento sostible no territorio.
A actividade, aberta ao público, forma parte dun ciclo de encontros financiado con fondos europeos, a través da Fundación Biodiversidad do Ministerio para la Transición Ecológica y el Reto Demográfico (MITECO), no marco do Plan de Recuperación, Transformación e Resiliencia (PRTR) e do programa NextGenerationEU.
Durante a mañá, o público poderá asistir a demostracións en directo de serrado e transformación de madeira, con participación de tres aserradoiros da marca LOGOSOL, que amosarán diferentes procesos de traballo e técnicas de elaboración. Ademais, exhibiranse o funcionamento dunha trituradora e dunha rachadora de leña, exemplificando os distintos modos de aproveitamento da madeira: táboa, astilla e leña.
Esta será a quinta xornada dun programa que busca impulsar a economía forestal local, promover o uso responsable dos recursos naturais e reforzar a conexión entre a comunidade e o seu territorio a través do coñecemento e da práctica.
