ATENCION Á MADRUGADA DO XOVES: Chega “Benxamín” con chuvias xeneralizadas, localmente fortes. Os ventos soprarán fortes ou moi fortes en toda a Comunidade.
Galicia quedará este xoves 23 nunha posición intermedia entre as altas e as baixas presións, o que favorecerá a chegada de ventos húmidos de compoñente oeste.
Agárdanse ceos con abundantes nubes durante a primeira metade da xornada e posibilidade de algunha chuvia feble no norte e nas zonas de montaña. Co paso das horas, as nubes iranse retirando e abriranse grandes claros, especialmente no sur e no interior.
As temperaturas descenderán de maneira moderada, sobre todo nas mínimas, mentres que as máximas se manterán sen cambios significativos(18-24 graos).
O vento soprará frouxo do oeste, con intervalos moderados no litoral norte, onde se deixará sentir con máis intensidade.
O noso mar: vento do noroeste á mañá, do oeste á tarde e do sudoeste á noite, forza 3 a 4 á mañá, 1 a 3 á tarde e 2 a 3 á noite. Marusía á mañá e mar ovellado á tarde e á noite. Visibilidade boa á mañá e á tarde e regular á noite. Mar de fondo do noroeste, con ondas de 3 a 4 metros á mañá e 2.5 a 3 metros á tarde e á noite.
