O Concello de Boiro promove unha nova edición do Túnel do Terror para festexar o Samaín, unha proposta que organiza o grupo de voluntariado Turbina. A concelleira de Cultura, María Outeiral, presentou a esta actividade xunto con Martín López e Carlos Torrado, do grupo de voluntariado Turbina.
A actividade lúdica terá lugar o vindeiro venres 31 de outubro no local Leñaverde do Centro Social de Boiro.
O Túnel do Terror, que vai xa pola súa quinta edición, contará con sesión para público familiar (de 6 a 12 anos) das 18.30 ás 20.00 horas, e sesións para público xuvenil (maiores de 12 anos) entre as 21.30 e as 22.30 horas e entre as 23.00 e as 00.00 horas.
O acceso será por orde de chegada e o percorrido polo Túnel do Terror farase en grupos reducidos. Dende o grupo de voluntariado Turbina animan a toda a veciñanza a achegarse disfrazado para gozar desta actividade do Samaín.
