O Concello de Rianxo levou a cabo traballos de asfaltado para rexenerar completamente a estrada que une o núcleo da Atalaia co Campo de Fútbol da Santa Lucía, en Asados.
Trátase, segundo informaron dende o Goberno local, “dun novo proxecto de mellora da rede viaria municipal que conta cun orzamento de 65.000€ e que permitirá renovar o firme desta vía”. O actual Executivo engadiu que se trata “dunha demanda de moitos veciños e veciñas que nós mesmos levemos ao Pleno varias veces cando estábamos na oposición”.
Para esta actuación contouse cunha subvención da Axencia Galega de Desenvolvemento Rural.
