O Concello de Boiro traballa no acondicionamento do Cemiterio Municipal de Vista Alegre de cara á festividade de Todos os Santos e Difuntos. O alcalde, José Ramón Romero, e o concelleiro, Francisco Bermúdez, visitaron este martes 28 o lugar para coñecer o estado de execución dos traballos.
Informaron que estes días estanse a levar a cabo traballos de limpeza e acondicionamento xeral tales como o arranxo das zonas axardinadas e os camiños empedrados; así como pintado e arranxo das edificacións de baños e a capela. Así mesmo estase a levar a cabo a impermeabilización dos panteóns para evitar a súa degradación a causa das choivas e o pintado das mesmas.
Os operarios municipais tamén traballan na limpeza e acondicionamento dos accesos e contorna dos camposantos parroquiais.
