A concelleira de Ensino, Carmen Silva, participou este mércores 15 de outubro na presentación do curso de iniciación á lingua e cultura galegas que leva a cabo o Concello de Boiro para persoas recentemente chegadas a Galicia que queiran iniciarse na nosa lingua e na nosa cultura.
A formación, impartida pola técnico de Ensino, é presencial todos os mércores pola tarde no Centro Social de Boiro e constará dun total de 20 horas de formación que teñen como obxectivo fomentar a integración e a inclusión sociocultural efectiva no territorio abordando vocabulario, fonética ou ortografía; así como recursos de carácter cultural e histórico.
A concelleira, Carmen Silva, deulle a benvida a todos os asistentes e desexoulles “que a formación sexa produtiva que poidades saír de aquí cunhas nocións básicas da nosa lingua e a nosa cultura e que vos sirvan para podervos seguir formando e coñecendo o noso entorno e as nosas costumes”.
·
