O Consello de la Xunta autorizou a licitación, por un importe de 11,2 millóns de euros, das obras do primeiro tramo para converter en autovía a Vía de Altas Prestacións (VAP) Brión-Noia.
O proxecto contempla a execución de 4,9 quilómetros entre Brión e a ligazón de Urdilde, correspondente ao primeiro tramo da fase inicial do desdobramento. Tras a autorización do Consello, a Xunta prevé licitar as obras nos próximos días, cun prazo de execución estimado en 18 meses.
Esta actuación dá continuidade á aprobación, o pasado mes de febreiro, do proxecto de trazado do desdobramento da CG-1.5, entre o final da autovía Santiago-Brión e o inicio do tramo Martelo-Noia, cun investimento global duns 29 millóns de euros.
