UCIN Boiro compartiu un comunicado crítico co Concello no que acusa ao Goberno local de non impulsar a reciclaxe e a debida limpeza nos diferentes núcleos do termo municipal.
“Estase amoreando o lixo, os colectores feden e o Concello incumpre de maneira flagrante a lexislación europea, estatal e galega”, sinala a agrupación, engadindo que “o lema Reciclar é aforrar converteuse nunha burla á cidadanía, porque o colector marrón para materia orgánica non existe en boa parte do municipio, a recollida selectiva é inexistente ou deficiente, moitos colectores están rotos, sen tapa, cheos de merda e sen limpar durante meses, e os cheiros e a falta de desinfección crean un auténtico problema de salubridade pública”.
A formación esixe responsabilidades políticas inmediatas e “un plan serio, con prazos e investimentos reais, para acabar coa vergoña que supón ter un servizo de lixo do século pasado”
Tamén demanda “transparencia, control público e participación veciñal”, para impedir, segundo din, “que se siga a gastar o diñeiro de todos mentres Boiro se converte nun vertedoiro”.
