Este domingo 19 de outubro Porto do Son achegará un extra de solidariedade. Farao cunha nova edición da Andaina Solidaria contra Cancro de Porto do Son, dirixida a recadar fondos para a Asociación Española Contra o Cancro (AECC) e para seguir investigando na enfermidade. A camiñada celebrarase o vindeiro 19 de outubro, con saída ás 11.00 horas dende o paseo marítimo. O percorrido será o seguinte: Igrexa – Faro Cabeiro – Paseo marítimo.
O custe será de 5 euros para persoas adultas e de 3 euros para nenas e nenos de até 12 anos de idade. As inscricións deberán facerse en liña. Por certo que quen non poida asistir, tamén pode colaborar co Dorsal Solidario dispoñíbel na Rede.
Na edición do ano pasado, a cuarta, participaron máis de 300 persoas, incluído o alcalde, Luis Oujo, e máis a conselleira de Política Social, Fabiola García, aos que se sumaron (tamén) as e os integrantes da comunidade Amicos, entidade inclusiva do Barbanza.
Como dixemos, a recadación destinarase integramente á AECC para reforzar o seu traballo de investigación e divulgación.
