Galicia quedará este venres 5 baixo a influencia do anticiclón, o que favorecerá unha situación de tempo seco e estable.
Agárdanse nubes baixas e bancos de néboa nas primeiras horas do día en zonas de interior, que irán desaparecendo co avance da mañá para dar paso a ceos despexados, con presenza puntual de nubes altas.
As temperaturas mínimas experimentarán un lixeiro descenso, mentres que as máximas ascenderán de xeito moderado (26-27 graos). Os ventos serán en xeral frouxos de compoñente nordés, aínda que tenderán a rolar a suroeste cara ao final da xornada.
O noso mar: Vento do nordés á mañá, do noroeste á tarde e do oeste á noite, forza 2 a 3 á mañá, 2 a 4 á tarde e 1 a 2 á noite. Mar ovellado á mañá, marusía á tarde e mar rizado á noite. Visibilidade boa. Mar de fondo do noroeste, con ondas de 1 a 2 metros.
