Os alcaldes de Padrón e de Rianxo volveron reafirmar, este mércores 16 de setembro, o compromiso de irmandade entre ámbolos dous pobos coincidindo coa celebración do Día de Padrón en Rianxo durante as Festas da Guadalupe, que se están a celebrar estes días na vila barbanzá. Os rexedores Anxo Arca (Padrón) e Julián Bustelo (Rianxo) intercambiáronse os bastóns de mando diante da Casa Consistorial e colocaron sendas coroas de loureiro diante das estatúas de Castelao e de Rosalía que se atopan no paseo da Ribeira, en Rianxo.
Ademais, a Banda de Música de Padrón e a Banda da Escola de Música de Rianxo acompañaron a ambas comitivas a realizar a ofrenda floral. Remataron tocando A Rianxeira e o Himno Galego de representantes das dúas corporacións e de numeroso público.
O concerto da Banda de Padrón xunto a capela da Guadalupe puxo o colofón aos actos oficiais.
