Juan Caballero (texto e imaxes). Medio centenar de embarcacións estarán esta fin de semana tomando parte na XIX Regata Gadis, que organiza o Club Náutico de Ribeira, en dúas xornadas de competición con top á primeira proba o sábado a partir do 14.30 h. e o domingo ao 10.30 h.
A maioría da frota estará representada pola clase Optimist. A vela infantil será unha das principais protagonistas da Regata Gadis, poñendo especial atención aos barcos de escola, con nenas e nenos iniciados durante o transcurso deste verán nas diferentes academias de navegación das entidades galegas, sendo esta a súa estrea en competición.
Os xuvenís navegarán nos ILCA 4, máis veloces e con maior preparación para as estratexias de regata e forma física, ao ser o Láser un veleiro individual e cunha vela que porta máis vento.
A praia de Coroso será o escenario elixido polo Comité da Regata de Gadis, que preside o xuíz Miguel Cons, onde próximo aos seus areais montarase o campo entre boias, á vista desde o propio club de Ribeira e a mariña deportiva, ofrecendo un espectáculo visual desde os propios areais da praia.
rotección Civil e Cruz Vermella faranse cargo da seguridade da proba, así como as propias lanchas do club ribeirense.
