Este 25 de novembro o bus do teatro do Centro Dramático Galego volve ao Barbanza para levar aos seareiros das artes escénicas a Santiago, ao Salón Teatro, para a representación de A serie Clopen, unha divertida peza para todos públicos impulsada polo CDG.
Haberá saídas dende Boiro e Rianxo.
Como dixemos, a cita será este xoves 25 de setembro, con saída fixada para as 15.25 horas dende a Casa da Cultura de Boiro e para as 15:45 horas no caso de Rianxo, dende a contorna do Auditorio Municipal. A función será ás 18.00 horas. O prezo, de 5 de euros.
Trátase dunha obra recomendada para todos o públicos (os menores deben ir acompañados dunha persoa adulta responsábel). As inscricións, a través de cultura@concelloderianxo.gal.
A serie Clopen é unha produción do Centro Dramático Galego con acrobacias imposíbeis, aéreos de impacto, comedia hilarante, danza, clown e unha historia cautivadora. A dirección corre a cargo de Pablo Reboleiro.
