As plataformas en defensa da sanidade pública no Barbanza convocan unha cadea humana o vindeiro 11 de outubro, a partir das 16.30 horas, co obxectivo de unir simbolicamente o Hospital do Barbanza co ambulatorio de Ribeira.
As plataformas en defensa da sanidade pública na comarca do Barbanza impulsan unha nova mobilización co obxectivo de reunir 5.000 persoas e formar unha cadea humana que una o Centro de Saúde de Ribeira co Hospital do Barbanza.
A protesta, convocada para visibilizar as carencias do sistema sanitario na zona, pretende denunciar a falta de profesionais en atención primaria e os longos tempos de espera en atención especializada, dous problemas que veñen xerando forte malestar na veciñanza.
Os organizadores lembran que esta acción simbólica busca “unir os dous principais piares da asistencia sanitaria da comarca” para reclamar unha resposta inmediata das administracións.
