O mércores continúa a entrada de aire húmido retirando transitoriamente cara ó sueste a masa de aire cálido. Xornada de ceo con máis nubes no terzo norte e con apertura de grandes claros pola tarde, quedando máis despexado no sur do territorio.
A partir do mediodía medrarán nubes de evolución con posibles chuvascos treboentos nas montañas. As temperaturas descenderán lixeiramente. O vento soprará frouxo de compoñente norte, moderado entre Fisterra e Silleiro.
Vento do norte, forza 3 a 4 á mañá e 4 a 5 á tarde e á noite. Marusía á mañá e forte marusía á tarde e á noite. Visibilidade regular á mañá e boa á tarde e á noite. Mar de fondo do noroeste, con ondas de 1 a 2 metros.
