Esta fin de semana celébranse as Festas de Isorna (Rianxo). Serán tres días (do venres 22 ao domingo 24 de agosto) de “música variada e actividades para todos os públicos”.
A troula comezará o venres 22, xornada adicada na honra de San Roque, que arrinca cunha ruada a cargo do grupo de gaitas Río de Anxo e cunha misa solemne ás 12.00 horas. POla noite haberá verbena con Charleston Big Band e Fussión.
O día seguinte, adicado á Virxe do Carme, arrincará cunha ruada a cargo de Río de Anxo e cunha misa solemne ás 13.00 horas. Algo máis tarde comezará unha sesión vermú co Dúo Reflejos. Logo do xantar, sobre as 17.00 horas, haberá actividades para a rapazada con inchábeis e unha festa da escuma.
O domingo 24 de agosto estará adicado á Nosa Señora das Dores. Comezará cunha ruada a cargo de Río de Anxo e cunha misa solemne ás 12.00 horas, que dará paso a unha sesión vermú co Dúo Ciclón. Ás 20.30 horas, no campo da festa (Casa da República), está previsto un concerto coa Banda de Música de Rianxo.
