O Concello de Boiro celebra esta fin de semana unha nova edición do Mercado Castrexo de Boiro, que se desenvolverá na rúa peonil os días 8, 9 e 10 de agosto con postos de artesanía e alimentación, xogos e obradoiros de actividades e animación de rúa.
O obxectivo desta proposta lúdica é difundir a cultura galaico-castrexa e achegar o patrimonio cultural á veciñanza de Boiro e á que nos visita tamén na tempada estival. O mercado estará instalado dende o venres ás 11.00 horas e ata o domingo ás 24.00 horas na rúa peonil.
Durante as horas de apertura do mercado haberá animación de rúa con música celta, ruadas musicais e espectáculos de rúa así como outras actividades para rapazada.
