Dotacións de bombeiros do Consorcio Contra Incendios e Salvamento de A Coruña con base en Boiro e Ribeira actuaron en grave accidente con persoa falecida en Runs no concello de Boiro. Os traballos leváronse a cabo de xeito conxunto entre os bombeiros de Ribeira e Boiro xunto SMPC, Policia Local, Garda Civil, GEAS, 061, médicos PAC Boiro. O vehículo accidentado caeu polo lateral dunha ponte e somerxeuse no río Coroño. O corpo foi recuperado polos mergulladores da Garda Civil. O suceso produciuse nunha vía da parroquia de Runs, na que residía a vítima. O vehículo, un Nissan Qashqai, quedou envorcado e mergullado a máis de dous metros de profundidade, o que fixo especialmente complexos os labores de acceso ao automóbil, o que fixo precisa a intervención dun equipo dos Grupos Especiais de Actividades Subacuáticas (GEAS) da Garda Civil. O corpo do condutor foi levado ao Complexo Hospitalario de Conxo para realizarlle a autopsia. A vítima tiña posto o cinto de seguridade.
