A Asociación Boirense de Empresas (ABE) celebra este sábado o acto inaugural da campaña máis ambiciosa da súa historia: Boiro, Compras con Corazón. Será este sábado, 16 de agosto, diante do Mercado Municipal de Boiro, e contará con música en directo, gastronomía e actividades para toda a familia.
Programa
13:15 h – Degustación de pratos con mexillón elaborados polo chef Miguel Mosteiro, en colaboración coa Exaltación do Mexillón de Cabo de Cruz -Boiro (acceso con Vales Corazón).
13:30 h – Intervencións institucionais: Daniel García, presidente da ABE, José Ramón Romero, alcalde de Boiro, e Gabriel Alén, director xeral de Comercio.
13:45 h – Concerto do grupo Cachas and Cousins (sesión vermú).
Durante toda a xornada estará activo o punto de información da campaña, onde o público poderá cambiar tíckets por rifas para o sorteo final de 5.000 € e, se está entre os 1.000 primeiros clientes, levar de agasallo unha bolsa exclusiva da campaña deseñada pola ilustradora local Thaís Tomé.
Pola tarde as actividades trasládanse á praza do Concello cun parque de inchábeis (acceso con vale corazón), posto de flocos de millo e a haima da ABEpara cambiar tíckets e conseguir bolsas.
