Xornada de tempo estable grazas ás altas presións que entran en forma de cuña desde os Azores. En xeral, o ceo estará pouco nubrado ou despexado, agás no norte de Lugo, onde poderá haber algo de néboa ou nubes baixas.
As temperaturas mínimas seguirán baixando, polo que a madrugada será fresca. Pola contra, as temperaturas máximas subirán durante o día superando os 30 grados.
O vento soprará do nordés, será moderado en xeral, pero poderá ter intervalos fortes na costa entre Bares e Fisterra.
O noso mar: Vento do nordés á mañá, do norte á tarde e do nordés á noite, forza 4 a 6 á mañá e 4 a 5 á tarde e á noite. Forte marusía. Visibilidade boa. Mar de fondo do noroeste, con ondas de 1 a 2 metros á mañá e á tarde e 0.5 a 1.5 metros á noite.
