O Concello de Muros celebra esta fin de semana, entre hoxe (venres 4) e o domingo 6 de xullo, a XX edición das Xornadas de Cultura Mariñeira, baixo o epígrafe Muros Mira ao Mar. A axenda de actividades vén con propostas para todas as idades. Serán, segundo fixo saber o Concello, tres días de mercado, concursos, obradoiros, visitas guiadas, música, maxia, xogos populares, izada de velas, conxuro de queimada, demostracións grastronómicas e exposicións… actividades todas elas vinculadas co mar.
Este venres celebrarase tamén un concerto da ESMU e haberá maxia, o conxuro da queimada e máis música polas rúas e prazas de Muros.
O sábado, circo, teatro e música con 9Louro e Susana Seivane, entre outros.
O domingo, fin de festa co Festival folclórico coa AF Ximiela, AC Ponte Vella, Grupo de música tradicional de Outes, As Carameleiras do Tremuzo e AC Princesa Dácil.
O Concello recibiu para a celebración deste evento unha subvención da área de Promoción Económica da Deputación da Coruña.
Quen queira consultar o programa ao detalle pode facelo no Facebook do Concello de Muros.
