O sábado marcará o inicio da melloría do tempo nas Rías Baixas, xa que Galicia irá recuperando gradualmente a influencia anticiclónica. Así, na mañá poderán rexistrarse algúns chuvascos illados, pero irán desaparecendo co paso das horas.
A partir do mediodía, os ceos iranse despexando, deixando paso ao sol na metade sur, onde se agardan máis claros. As temperaturas mínimas descenderán lixeiramente, mentres que as máximas se manterán sen grandes variacións, aínda que poderían baixar un pouquinho na parte Norte.
O vento soprará de compoñente Norte, frouxo en xeral, pero máis intenso nas Rías Baixas, onde se agardan refachos moderados ao longo do día.
Domingo forte suba da temperatura e ceo despexado.
O prognóstico a medio prazo adianta sol e temperaturas en alza.
O noso mar: Vento do noroeste á mañá, do noroeste á tarde e do norte á noite, forza 1 a 3 á mañá, 4 a 5 á tarde e 3 a 5 á noite. Mar ovellado á mañá e forte marusía á tarde e á noite. Visibilidade boa. Mar de fondo do noroeste, con ondas de 1 a 2 metros.
