A Aula Sostíbel do Freixo e o Concello de Outes organizan esta semana un obradoiro de comunicación e xestión de redes sociais, co obxectivo de mellorar a empregabilidade da veciñanza e as súas capacidades-habilidades tecnolóxicas. A cita será este 13 de xuño en horario de mañá, de 11.00 a 13.30 horas no Náutico do Freixo (Outes). Quen precise máis información pode chamar ao número de teléfono 627 570 949. Colabora a Consellería do Mar.
O proxecto Aula Sostible do Freixo está emprazado na antiga aula unitaria da localidade e vén da man da Asociación de Mulleres do Sector Pesqueiro SEO Fisterra-Ría de Muros-Noia, ADISBISMUR, A Creba, Misela e o Concello de Outes, no marco de traballo do grupo GALP Costa Sostible. Entre os seus principais obxectivos están o coidado do medio mariño, o impulso as actividades pesqueiras e marisqueiras tradicionais e respectuosas cos recursos naturais e a inclusión social e laboral de persoas discapacitadas.
