O concelleiro de Obras de Rianxo, Alberto Angueira, supervisou o pasado venres 20 de xuño os traballos de rexeneración dun tramo da beirarrúa da rúa Gudiños no que se vén traballando nas últimas xornadas.
Segundo indicou, “hai uns meses levamos a cabo unha actuación na parte frontal do Centro de Saúde e con estes traballos que agora se levan a cabo querémoslle dar continuidade á iniciativa para seguir renovando as beirarrúas deterioradas en toda a zona e co obxectivo de facelas seguras para o tránsito de todos os veciños e veciñas”, destacou, engadindo que en paralelo a estes traballos, no lateral do Centro de Saúde de Rianxo habilitarase unha zona de estacionamentos en oblicuo para o persoal do centro e coa finalidade de liberar outras prazas de aparcamento do entorno.
