O Campo Municipal da Lomba acolle a vindeira fin de semana o I Torneo 50 Aniversario CCD Taragoña (Club Cultural Deportivo de Taragoña, Rianxo).
Máis de trinta equipos das categorías prebenxamín e benxamín enfrontaranse entre o sábado 7 de xuño e o domingo 8 nas dúas primeiras xornadas deste torneo.
As probas encádranse na conmemoración, este 2025, do cincuenta aniversario do club de Taragoña, e para celebralo a histórica entidade deportiva organizou o primeiro Torneo de Fútbol Base do C.C.D. Taragoña. As categorías que disputarán nesta primeira edición serán Prebenxamín, Benxamín e Alevín, sendo as datas do evento 7, 8 e 14 de Xuño do 2025.
O club confirmou que están convidados os equipos de todos os concellos tanto da provincia da Coruña coma de Pontevedra.
A cita conta co patrocinio de importantes empresas da nosa comarca, como por exemplo CONGALSA.
