Os bombeiros do parque Provincial de Boiro participaron nun operativo provocado por un accidente de tráfico acontecido antes das 10:00 horas na estrada AG-11, á altura do punto quilométrico 22, ao seu paso polo termo municipal de Boiro.
O accidente provocou que unha persoa resultase ferida malia non precisar ser liberada do interior do vehículo. Logo de recibir atención in situ foi trasladada ao Hospital do Barbanza.
O operativo dos bombeiros provinciais consistiu na desconexión da batería do turismo sinistrado e na comprobación da seguridade.
