O Concello de Outes achega formación relacionada cos deportes marítimos durante esta primavera, a través do Centro Náutico con base operativa no porto do Freixo. En concreto, brindarase un programa de cursos de vela e windsurf para os meses de maio e xuño.
As persoas interesadas poden anotarse no teléfono 696 131 622 ou no enderezo electrónico centronautico@outes.gal.
Estes cursos de vela, pensados para distintas idades e niveis, teñen a finalidade de ofrecer aos interesados na práctica da vela, os coñecementos necesarios para que poidan navegar de forma autónoma.
Duración
Barco ou derivador: cinco saídas de 4 horas.
Táboa deslizadora a vela (windsurf): cinco saídas de 3 horas.
Catamarán: cinco saídas de 3 horas.
Requisitos
Saber nadar, ter cumpridos os 7 anos na modalidade de barco e 10 para as modalidades de windsurf e catamarán. Os usuarios deben tamén posuír a licenza de escola do ano en curso da federación galega de vela.
Indumentaria
A escola de vela facilita os chalecos salvavidas, o resto de indumentaria correrá a cargo dos usuarios.
