Este venres 16 de maio abre finalmente o prazo de inscrición no Campamento Concilia Verán 2025 organizado polo Concello de Rianxo para facilitar que as familias harmonicen en tempo de vacacións a vida laboral e o lecer. As solicitudes poderanse presentar ata o 26 deste mesmo mes. O campamento, destinado á rapazada de entre 3 e 12 anos, desenvolverase dende o 23 de xuño ata o 29 de agosto. Ademais, contará con Plan Madruga e con servizo de transporte para facilitar os desprazamentos dos nenos e nenas que participen. Toda a información, así como o formulario de inscrición, está xa dispoñíbel na páxina web do Concello de Rianxo.
