Un total de 30 persoas participaron os pasados días 9, 10 e 11 de maio na excursión de sendeirismo organizada pola Concellería de Deportes do Concello de Padrón aos espectaculares paisaxes asturianos da ruta do Cares e os lagos de Covadonga, en Asturias.
Durante a fin de semana, o grupo desfrutou dun excelente ambiente de convivencia e bo tempo para camiñar. A climatoloxía acompañou especialmente na ruta do Cares, sen chuvia, e só con leves precipitacións o segundo día, que non impediron o desenvolvemento das actividades previstas.
A expedición estivo acompañada pola concelleira de Servizos Sociais e Relacións Veciñais, Mariló Saco, e polo técnico de Deportes, Roberto Martínez, que compartiron a experiencia co grupo. O Concello agradeceu especialmente a profesionalidade e implicación do guía Jesús, cuxas explicacións enriqueceron o percorrido.
Esta actividade forma parte do compromiso municipal por fomentar o deporte ao aire libre, o envellecemento activo e a participación veciñal, promovendo hábitos saudables en contornos naturais.
