O Concello de Rianxo segue adiante co seu Programa de Envellecemento Activo, que xa ten novos grupos activos nas parroquias de Isorna (con grupos na Casa da República e na Bacariza), Taragoña e Leiro.
Este programa, que comezou como un proxecto piloto na parroquia de Rianxo, está orientado a ampliar a esperanza de vida activa e saudábel para persoas maiores, así como contribuír a aumentar o máximo posíbel a súa autonomía persoal á vez que serve como medida de detección precoz de posibles deterioros cognitivos.
Este programa conta co apoio da Deputación da Coruña a través do POS+ Adicional 1/2025 para o financiamento de gastos sociais extraordinarios.
O Concello de Rianxo reforzou o programa neste 2025 cun investimento de algo máis de 11.000€ para chegar a máis parroquias.
