O Concello de Outes organiza este mes de abril unha charla informativa en dúas quendas sobre alimentación saudábel que está previsto que se realice en dúas convocatorias: unha primeira quenda o 12 de abril na Casa da Cultura ás 18.30 horas, e unha segunda o 28 de abril no Club Náutico do Freixo ás 18.30 horas. Con esta charla, que se repite en dúas localizacións para facilitar a asistencia das persoas interesadas, “comezamos un ciclo de actividades ao redor da alimentación, nas que iremos aprendendo todos os aspectos que se relacionan e interactúan de cara tentar achegarnos a unha alimentación saudábel”, informou o Concello de Outes, engadindo que as inscricións poden facerse no número de teléfono 981 85 01 65.
