En Ribeira a Policía Local fixo un breve balance da actividade de vixilancia despregadas durante o apagamento deste luns 28 de abril, actividade que tivo que ser reforzada, o que se materializou nunha maior presenza de axentes durante a pasada madrugada.
Así, a Policia Local de Ribeira e a Policia Nacional estableceron un dispositivo para a prevención de actos vandálicos e delitivos, polo cal e froito da colaboración da veciñanza, conseguiuse impedir o roubo nun céntrico comercio da localidade.
Ademais ambos corpos interviron, xunto co GAEM e os bombeiros nun accidente de circulación na parroquia de Palmeira, no cal resultou ferida de consideración a persoa condutora dun vehículo todoterreo.
