A Escola de Música de Porto do Son vai celebrar este mes de maio varias xornadas de portas abertas, co obxectivo de mostrar a súa actividade ante os futuros talentos musicais do termo municipal. As xornadas, que serán de balde, consistirán en actividades formativas na Casa da Cultura de Porto do Son, os días 19, 20 e 21 de maio. As persoas interesadas en participar poden achegar os seus datos na folla de inscrición habilitada na Rede. As sesións desenvolveranse en horario de tarde, entre as 15.00 e as 19.30 horas. Estarán abertas para adultos e nenos e nenas de cinco anos en adiante.
