O Concello de Rianxo e a Asociación Española Contra o Cancro (AECC) organizan un Club de Saúde para dar servizo á poboación de todos os núcleos do termo municipal. A iniciativa, dirixida a persoas con cancro, superviventes ou familiares, busca mellorar a súa saúde emocional, física e social ofrecendo ferramentas para fomentar un maior benestar. As actividades previstas levarase a cabo no Centro de Saúde de Rianxo, todos os xoves dende o 3 de abril de 2025 entre as 17:00 as 18:30 horas. As prazas son limitadas. As persoas interesadas en participar poden inscribirse nos Servizos Sociais do Concello ou a través do 900 100 036.
Este novo servizo de saúde diríxese como dixemos a “ofrecer un espazo no que persoas enfermas e coidadoras compartan experiencias á marxe de temas que xa tratan cos seus equipos médicos”, poñendo ao seu servizo “un entorno no que socializar, empatizar e compartir experiencias propias con outros veciños e veciñas que están a pasar pola mesma situación”.
Persoas Participantes: o club está dirixido a persoas con cancro, superviventes ou familiares.
Lugar: no Centro de Saúde Rianxo
Datas: todos os xoves dende o 3 de abril de 2025
Horario: de 17:00 a 18:30
As prazas son limitadas e a inscrición é gratuíta.
Información e inscrición:
– Nos Servizos Sociais Comunitarios do Concello de Rianxo (estrada de Tanxil, 12 // Telf: 981860061)
– Teléfono: 900 100 036
