Na mañá deste martes 25 de marzo o alumnado de terceiro e cuarto de Primaria do CEIP Ricardo Tobío de Esteiro tivo oportunidade de coñecer in situ o Concello de Muros. As nenas e nenos foron convidadas/os pola Concellería de Ensino e Lingua, como parte do currículo da materia de Ciencias Sociais, que neste segundo trimestre centrouse nas administracións públicas, sendo a Administración local a máis próxima para coñecer o día a día dunha entidade pública destas características. Na visita, percorreron o Consistorio, coñeceron o seu funcionamento e celebraron un pleno municipal infantil. Foron recibid@s pola alcaldesa de Muros, María Lago, e polo resto de concelleiros e concelleiras do grupo de Goberno.
