O Mercado Voces Delas, previsto inicialmente para os días 9 e 10 de marzo dentro da programación do 8M en Padrón, celebrarase finalmente os días 29 e 30 de marzo. A decisión foi adoptada polo Concello de Padrón ante as previsións meteorolóxicas adversas anunciadas para esta fin de semana.
O evento manterá a súa programación e desenvolverase na nova data co obxectivo de
garantir as mellores condicións para as mulleres emprendedoras que participan e para o
público asistente. O mercado contará con postos de artesanía, gastronomía e música en
directo, mantendo o seu propósito de visibilizar e poñer en valor o talento feminino.
O Concello de Padrón e o CIM Terras de Iria agradecen a colaboración e comprensión de
todas as persoas implicadas e animan á cidadanía a participar nesta iniciativa, que seguirá
poñendo en valor o papel das mulleres na sociedade e na economía local.
