O Centro de Interpretación do Castro de Baroña, na vila de Porto do Son, vai acoller este sábado 29 de marzo a presentación do libro La permanente aventura en Galicia de la Romería Internacional, de Bernardo Valiño. A cita será ás 20.00 horas e contará coa presenza do autor. La permanente aventura en Galicia de la Romería Internacional, é o título do libro escrito por Bernardo M. Valiño Rodríguez (nado en Sobrado dos Monxes 1939), quen repasa a historia da Romería Internacional. O autor do libro, e director durante vinte anos (1980-2001) deste evento lúdico-festivo, escribe sobre os grandes fitos deste evento que fixo posíbel que pequenos concellos de Galicia puidesen desfrutar de espectáculos como o Teatro Bolshoi ou a Ópera de Pekín.
